सिन्धुली । नेकपा ( एकीकृत समाजवादी ) सिन्धुली जिल्ला कमिटीको नवौँ बैठक सम्पन्न भएको छ । बैठकले रिक्त रहेको जिल्ला कमिटीको अध्यक्ष पदमा तत्कालीन उपाध्यक्ष चित्र लुङ्गेली लाई मनोनयन गरेको छ ।
शनिबार सिन्धुलिको पार्टी कार्यालयमा बसेको बैठकले सो निर्णय गरेको हो । दशौँ राष्ट्रिय महाधिवेशनमा पार्टीका अध्यक्ष सूर्य पाख्रिन केन्द्रीय कमिटी सदस्य भएपछि रिक्त रहेको अध्यक्ष पदमा लुङ्गेलीलाई मनोनयन गरेको केन्द्रिय सदस्य जानुका श्रेष्ठले बताइन् ।
बैठकले उपाध्यक्षमा तत्कालीन सचिवालय सदस्य तीर्थ दाहाल र सङ्घीय क्षेत्र नम्बर १ को इन्चार्ज मा लिलबहादुर पौडेललाई सर्वसम्मतबाट मनोनयन गरी जिम्मेवारी प्रदान गरेको छ ।
कार्यक्रममा नेपाल कम्युनिस्ट पार्टी ( एकीकृत समाजवादी ) का पोलिटब्युरो सदस्य गङ्गा प्रसाद नेपालको प्रमुख आतिथ्यमा विशिष्ट अतिथि केन्द्रिय सदस्य जानुका श्रेष्ठ रहनु भएको थियो सूर्य पाख्रिनको अध्यक्षतामा बैठक सम्पन्न भएको थियो ।
तपाईको बिचार