काठमाडौँ । पशुपति क्षेत्र विकास कोषको कार्यालयको मूल गेटमा ताला लगाएर श्रमिक आन्दोलनमा उत्रिएका छन् । श्रम अदालत भक्तपुरको आदेश कार्यान्वयनको माग गर्दै २४ दिन अघिदेखि आन्दोलनरत मजदुरहरु मूल गेटमा ताला लगाएर धर्नामा बसेका हुन् ।

यही पुस ५ गते श्रम अदालत भक्तपुरको श्रमिकलाई काम गर्न र हाजिर गर्न रोक नलगाउन कोषको नाममा जारी भएको अल्पकालीन आदेश कार्यान्वयनको माग गर्दै श्रमिक आन्दोलनमा उत्रिएका हुन् ।

सो आदेशपछि गत पुस ११ गते दुवै पक्षको बहसपछि अदालतले आफ्नो अल्पकालीन आदेशलाई निरन्तरता दिएको थियो । तर, कोषले सो आदेशविपरीत आफूहरुलाई काम गर्न र हाजिर गर्न नदिएको भन्दै श्रमिक आन्दोलनमा उत्रिएका हुन् ।
अदालतको फैसला विरुद्ध विकास कोषले श्रमिकहरूलाई हाजिर गर्नबाट वञ्चित गरेपछि तालाबन्दी गर्नुपर्ने अवस्था आएको आन्दोलनरत श्रमिकहरूको भनाई छ।

२०८१ पुस ४ गते श्रमिकले श्रम अदालत भक्तपुरमा आफूहरूलाई काम गर्न र हाजिर गर्न रोक नलगाउन अन्तरिम आदेश माग गर्दै मुद्दा दर्ता गरेका थिए ।
पुस ११ गते दुबै पक्षको बहस पछि पुस १८ गते छलफलको पेशी तोकी अल्पकालीन अन्तरकालिन आदेशलाई निरन्तरता दिएको छ।
पुस १८ गते दुवै पक्षको बहस पछि सम्मानित श्रम अदालत भक्तपुरले नियमित काममा लगाउने पुस ५ गतेको अन्तरकालिन आदेशलाई निरन्तरता दिएको छ।

श्रमिकले अदालतको आदेशको प्रतिलिपी सहित आफूहरूलाई हाजिर सहित काममा लगाउन पशुपति क्षेत्र बिकास कोषमा पटक पटक निवेदन गरेपनि हालसम्म हाजिर लगाई काममा लगाएको छैन। अदालतको आदेश पछि कोषका सदस्य सचिव मिलनकुमार थापा मोबाइल अफ गरेर कार्यालय आएका छैनन्।