काठमाडौं । नेकपा एमाले कर्णालीले कर्णालीमा गर्नुपर्ने विकास निर्माणका कामबारे प्रधानमन्त्री केपी शर्मा ओलीको ध्यानाकर्षण गराएको छ । एमाले कर्णालीका नेताहरूले बिहीबार राति प्रधानमन्त्रीलाई भेटेर आगामी बजेटमा कर्णाली प्रदेशमा समेट्नुपर्ने योजनाको बारेमा ध्यानाकर्षण गराएको हो ।

नेकपा एमाले स्थायी कमिटी सदस्य तथा कर्णाली प्रदेश इन्चार्ज गोरखबहादुर बोगटीको नेतृत्वमा कर्णालीबाट पार्टी केन्द्रीय कमिटीमा प्रतिनिधित्व गर्ने नेताहरूले प्रधानमन्त्रीलाई भेटेका थिए । प्रधानमन्त्रीलाई कर्णालीको विकासका लागि आगामी बजेटमा समेट्नुपर्ने विषयका बारेमा लिखित रूपमा ध्यानाकर्षण गराइएको एमाले केन्द्रीय सदस्य विष्णु रिजालले जानकारी दिए ।