निषेधाज्ञा जारी भएका स्थानमा ५ जना भन्दा बढी भेला हुन नपाइने र निषेधाज्ञा जारी भएको स्थानमा जुलुस धर्ना र सभा समेत गर्न  पाईनेछैन ।

स्थानीय प्रशासन ऐन २०२८ संशोधन सहितमा भएको व्यवस्था अनुसार जिल्ला प्रशासन कार्यालय ताप्लेजुङले फुंगलिंग नगरपालिका बजार क्षेत्रको पूर्व सल्लेरी, पश्चिम घोडे चौर, उत्तरमा उकाली पानी र दक्षिणमा शेर्पा टोल सम्मको क्षेत्रमा निषेधाज्ञा जारी गरेको छ ।

नो केबलकार निर्माणको पक्षमा आन्दोलन सुरु भए पनि केबलकार निर्माण गर्नु पर्ने माग राख्दै स्थानीयले पनि आन्दोलन हुन थालेका छन् । दुवै पक्षले आन्दोलन थालेपछि केही स्थानमा झडप समेत हुन थालेको छ ।

आजदेखि नो केबलकार पक्षले फुंगलिंग नगरपालिका घेराउको कार्यक्रम राखेका छन् । घेराउका क्रममा हुन सक्ने सम्भावित झडपलाई लिएर निषेधाज्ञा लगाइएको प्रमुख जिल्ला अधिकारी शर्माले बताए ।