प्रयर्टन प्रवर्धनका लागि बागमती गाउँपालिकाले स्थानीयलाई होमस्टे तालिम

प्रयर्टन प्रवर्धनका लागि बागमती गाउँपालिकाले स्थानीयलाई होमस्टे तालिम

649
काठमाडौं । ललितपुरको वागमती गाउँपालिकाले पर्यटन प्रवद्र्धनका लागि स्थानीयलाई होम स्टे चलाउनका लागि तालिम  दिएको छ ।

गाँउपालिकाले स्थानीय महिला तथा युवाका लागि पाँच दिने होम स्टे घरबास अभिमुखीकरण तथा आतिथ्यता तालिम दिएको हो ।

तालिममा ८० भन्दा बढी स्थानीय उत्पादनका परिकार बनाउन सिकाइएको थियो । तालिममा २७ जना प्रशिक्षर्थी सहभागी थिए ।

प्रमाण पत्र पाएपछि प्रशिक्षार्थीहरुले आफुले सिकेको ज्ञान र शिपलाई अब व्यवहारमा उतार्ने प्रतिबद्धता जनाएका छन् ।  शनिवार स्थानीय सामुदायिक भवनमा आयोजित तालिम समापन समारोहमा वागमती प्रदेशका युवा तथा खेलकुद मन्त्री मीनकृष्ण महर्जनले प्रदेश पर्यटन नीति तत्काल जारी गर्ने बताएका छन् । मन्त्री महर्जनले होम स्टेले ग्रामीण भेगमा स्वरोजगार बढाउने बताए ।

2-1736742282.jpg

ललितपुरको क्षेत्र नं १ आफैंमा पर्यटकीय क्षत्र भएकोले यस क्षेत्रलाई पर्यटकीय हवका रुपमा विकास गर्न लागि पर्ने उनको भनाइ थियो ।

कार्यकममा पालिकाका अध्यक्ष वीरबहादुर घलानले पालिकालाई आन्तरिक तथा बाह्य पर्यटका लागि हव बनाउने घोषण गर्दै आगामी दिनममा पनि यस्ता स्वरोजगारमूलक तालिम सञ्चालन गर्दै जाने बताए ।

होम स्टेको माध्यमबाट रकम लिएर सेवा गर्ने अवसरका रुपमा लिन तालिममा सहभागीलाई अध्यक्ष घलानले आग्रह गरे ।

प्रमुख कार्यकारी अधिकृत राममणी काफ्लेले पालिकाको पर्यटन प्रर्वधन गर्ने नीति अनुसार प्रदेश सरकारले पर्यटन नीति जारी गर्न नसके पनि पालिकाले स्थानीय पर्यटन नीति सार्वजनिक गरेको जानकारी गराए ।

पालिकाको पर्यटन नीति अनुसार नै पाँच दिने होम स्टे तालिम सञ्चालन गरिएको भन्दै अधिकृत काफ्लेले तालिमले स्थानीय रैथाने खानाको प्रर्वधन गर्दै स्वरोजगार पनि गराउन सहयोगी बन्ने आशा गरे ।

वडा अध्यक्षका तर्फबाट वडा नं ३ का अध्यक्ष नमराज खड्काले यस्ता तालिममले स्वरोजगार बन्न सहयागी बन्ने बताए ।

तालिममा होम स्टे एसोसिएसनका संस्थापक सचिव राजकुमार लामिछाने, होम स्टे महासंघका कोषध्यक्ष सुरज बाँस्तोलाले प्रशिक्षण दिएका थिए भने  भने सेफ एसोसिएसनका पूर्व अध्यक्ष श्यामबहादुर लामा, सेफ मोहन गजुरेल र सेफ शुक्र लामाले पाक कला सम्बन्धि तालिम दिएका थिए ।

3-1736742311.jpg

तपाईको बिचार