रोल्पा। त्रिवेणी गाउँपालिका रोल्पामा विभिन्न पार्टी परित्याग गरी २४ जना नेताहरुले नेकपा (एकीकृत समाजवादी) मा समाहित भएका छन् ।

रोल्पा त्रिवेणी गाउँपालिका वडा ४ चकृमा भएको कार्यक्रममा नेकपा (एकीकृत समाजवादी) त्रिवेणी गाउँकमिटी अध्यक्ष नन्दकिशोर केसीको अध्यक्षता र जिल्ला कमिटी अध्यक्ष टंक बहादुर बुढाको प्रमुख आतिथ्यतामा पार्टी प्रवेश कार्यक्रम सम्पन्न भएको समाजवादी प्रेस संगठन नेपालकी उपमहासचिव प्रतिज्ञा बुढा मगरले बताईन् ।

कार्यक्रमा प्रेस संगठनकी उपमहासचिव मगर, रोल्पा नगरपालिका कमिटीका सचिव दिनेश बुढा मगरको सहभागीतामा रहेको थियो।

नवप्रवेशीहरुमा १० जना एमालेबाट, १३ जना माओवादी केन्द्रबाट र १ जना नेपाली काङ्ग्रेस परित्याग गरी समाजवादीमा प्रवेश गरेका हुन् । नव प्रवेशीहरुलाई पार्टी अध्यक्षसहितका नेताहरुले स्वागत गरेका थिए ।