बारा, ७ पौष । मोटरसाइकल दुर्घटनामा परी दुई जनाको मृत्यु भएको छ ।

गएराति १२:१० बजे बाराको प्रसौनी गाउँपालिका-२ दुधौरी खोला पुलमा म.प्र. ०३-०३०- प ४३९८ नम्बरको मोटरसाइकल अनियन्त्रित भएर पुलको पिलरमा ठोक्किएर दुर्घटना भएको थियो । दुर्घटनामा परी मोटरसाइकलमा सवार कलैया उपमहानगरपालिका-१३ बलिरामपुरका २२ वर्षीय कुन्दन मेहत्रा र कलैया उपमहानगरपालिका-१२ सितलपुरका २२ वर्षीय अभिमन कुशवाहाको मृत्यु भएको हो ।

दुर्घटनामा परी गम्भीर घाइते भएका दुवैलाई गएराति अस्पताल पुर्‍याइएको थियो । बाराका प्रहरी प्रवक्ता डिएसपी दधिराम न्यौपानेका अनुसार एलएस न्युरो अस्पताल पुर्‍याइएको कुन्दनको उपचारका क्रममा राती १२:४० बजे र एनएमसी अस्पताल वीरगञ्ज पुर्‍याइएको अभिमनको राति १:५० बजे मृत्यु भएको हो ।