काठमाडौँ । सर्वोच्च अदालत बार एसोसियसनको अध्यक्षमा नेपाली कांग्रेस र नेकपा (एकीकृत समाजवादी) निकट गठबन्धन विजयी भएको छ ।

कांग्रेस निकट डीएलएका उम्मेदवार वरिष्ठ अधिवक्ता मेघराज पोखरेलज ३ सय ६८ मतसहित विजयी भएका छन् । उनका निकटतम प्रतिस्पर्धी नेकपा एमाले निकट पीपीएलए को गठबन्धनका उम्मेदवार वरिष्ठ अधिवक्ता महेश थापाले १८१ मत ल्याए ।

डीएलएले एकीकृत समाजवादी निकटको एस पी एलएलाई उपाध्यक्षसहित ४ पद दिएर गठबन्धन गरेको थियो । उपाध्यक्षमा डीएलए गठबन्धनबाट एसपीएलएका अम्बरबहादुर राउत, सचिवमा रमणकुमार श्रेष्ठ, पुष्पराज पौडेल र सहसचिवमा महिला पुनदेवी महर्जन विजयी भएका छन् ।

कोषाध्यक्षका लागि रामचन्द्र पौडेल , महिला सदस्यका लागि शशि बस्नेत विजयी भएका छन्। एमाले निकट गठबन्धनबाट एक जना मात्र सदस्यको रूपमा विजयी भएका छन् । ९ जना खुल्ला सदस्यमा आठ जना डिएलएको प्यानलबाट विजयी हुँदा सतिशराज मैनाली मात्र विपक्षी गठबन्धनबाट विजयी भए ।