काठमाडौं । राजधानीको नयाँबजारस्थित खुशीबुमा जिन्जर लिली नामक फ्लावर सप संचालनमा आएको छ ।
नेपालमा उत्पादित कट फ्लावरलाइ प्राथमिकता दिने लक्षका साथ खुलेको जिन्जर लिलीको उद्घाटन फ्लोरिकल्चर एशोसिएशन नेपालका अध्यक्ष राजेश भक्त श्रेष्ठले गरेका थिए ।
बिबाह, ब्रतबन्ध, जन्मदिन र बिभिन्न उत्सवको समयमा बढ्दो साजसज्जालाइ लक्षित गरी खुलेको जिन्जर लिलीमा बिबाहको गाडी सजावट, इभेन्ट डेकोरेशन, उपहारका सामान र कट फ्लावरको कारोबार हुने संचालिका अस्मिता तामाङले जानकारी दिइन् । १० बर्ष यसै क्षेत्रको अनुभव संगालेकी संचालिका तामाङले बौद्धमा पनि नयाँ शाखा खोल्ने तयारी गरिसकेकी बताइन् ।
शुक्रबारबाट संचालनमा आएको जिन्जर लिलीकी सँचालिका तामाङलाइ बधाइ दिंदै फ्लोरिकल्चर एशोसिएसन नेपालका अध्यक्ष श्रेष्ठले कट फ्लावरको ब्यबशाय गर्दा नेपाली उत्पादनलाइ प्राथमिकतामा राख्न अनुरोध गरे ।
कार्यक्रममा फ्लोरिकल्चर एशोसिएशनका उपाध्यक्ष सुमन महर्जन, महासचिब हिरामणी शर्मा, सचिब राजु तामाङ लगायतको उपस्थिती थियो । रोज, लिली, सनफ्लावर, लेमोनियाँ, स्ट्रोभेरिया, सयपत्री, डेजी, जिप्सी, कार्नेशन,जर्वेरा र अर्किड तथा पट फ्लावर लगायत गिफ्टका सामानहरुको कारोबार भइरहेको छ ।
तपाईको बिचार