काठमाडौं । विवादका कारण रोकिएको त्रिचन्द्र क्याम्पसको स्ववियू निर्वाचन आज हुँदैछ । मूलगेटमा ताला लागेपछि यसअघि ५ गतेका लागि तय भएको निर्वाचन रोकिएको थियो ।
आज विहान ८ बजेदेखि मतदान हुने कार्यतालिका रहेको छ । उब्m क्याम्पसमा मतपत्रमा नाम गोलाप्रथाबाट राख्ने कि दर्ताको आधारमा राख्ने भन्नेमा विवाद भएको थियो ।
यहाँ सभापतिमा ९ जना प्रतिस्पर्धी रहेका छन् । नेविसंघबाट गोविन्द कोइराला, अनेरास्ववियुका प्रमित विष्ट र अखिल (क्रान्तिकारी)का प्रदिप भट्ट उम्मेदवार छन् ।
यसैगरी अखिल क्रान्तिकारीकै मुना पौडेल, नेपाल स्वाभिमानी स्वतन्त्र विद्यार्थी संघका विवेक बानियाँ रहेका छन् । त्यस्तै, नेपाल क्रान्तिकारी विद्यार्थी संघकी जेनिशा तिमिल्सेना, राष्ट्रिय प्रजातान्त्रिक विद्यार्थी संगठनका अश्विन नेपाल पनि सभापतिका उम्मेदवार हुन् ।
यसैगरी सागर न्यौपाने र श्रीधर श्रेष्ठ स्वतन्त्र उम्मेदवार हुन् ।
तपाईको बिचार