एजेन्सी ।अमेरिकाको वासिङ्टन डीसीमा भएको विमान(हेलिकप्टर दुर्घटनामा अहिलेसम्म १८ जनाको शव भेटिएको छ। वासिङगटन नजिकैको रोनाल्ड रेगन राष्ट्रिय विमानस्थलमा अवतरण गर्ने क्रममा अमेरिकन एयरलाइन्सको विमान आकाशमै सेनाको हेलिकप्टरसँग ठोक्किएको हो।

विमानमामा ६० यात्रु र चार चालक दलका सदस्यसहित ६४ जना सवार थिए। उनीहरु मध्ये अहिलेसम्म १८ वटा शव निकालिएको बीबीसीले जनाएको छ। स्थानीय समयानुसार बुधबार राति ९ बजे बम्बार्डियर कम्पनीको सीआरजे ७०० विमान वाशिंगटनबाट कान्सास जाँदै गर्दा अमेरिकी सेनाको ब्ल्याक हक हेलिकप्टरसँग ठोक्किएको थियो।

अमेरिकी मिडियाका रिपोर्ट अनुसार टक्करपछि विमान हावामा दुई भागमा टुक्रिएर पोटोम्याक नदीमा खसेको थियो । नदीमा खोजी तथा उद्धार कार्य जारी छ।

दुर्घटनापछि ठूलो संख्यामा आपतकालीन बलका सदस्यहरू विमानस्थलमा पुगेका छन्। घटनास्थलमा १० भन्दा बढी एम्बुलेन्स र ट्रकहरू पनि उपस्थित छन्।