काठमाडौँ । बार्सिलोनाले स्पेनिस ला लिगा अन्तर्गतको खेलमा भलेन्सियाविरुद्ध गोलको बर्षा गरेको छ ।

गएराती सम्पन्न खेलमा बार्सिलोनाले भलेन्सियालाई ७-१ गोल अन्तरले पराजित गरेको हो ।

बार्सिलोनाको जितमा फेर्मिन लोपेजले २ गोल गरेका थिए । त्यस्तै फ्रान्की डी जोंग, फेरान टोरेज, राफिन्हा र रोबेर्ट लेवानडोस्कीले एक एक गोल गरेका थिए भने एक गोल भलेन्सियाका सेजार टारेगाले आत्मघाती गोल गरेका थिए । त्यस्तै भलेन्सियाका लागि एक गोल हुगो डुरोले गरेका थिए ।

यो जितपछि बार्सिलोनाको २१ खेलमा ४२ अंक भएको छ र लिगमा तेस्रो स्थानमा रहेको छ ।

बार्सिलोना हाल दोस्रो स्थानमा रहेको एटलेटिको म्याड्रिडभन्दा ३ अंकले र शिर्ष स्थानमा रहेको रियल म्याड्रिडभन्दा ७ अंकले पछाडी रहेको छ ।

त्यस्तै भलेन्सियाको भने २१ खेलमा १६ अंक रहेको छ र लिगमा १९औ स्थानमा छ ।