काठमाडौ । ५० बर्ष उमेर पार गरेको भन्दै वीर अस्पतालको विभिन्न सेक्टरमा काम गर्ने ९ जना श्रमिकहरूलाई रोजगारदाता कम्पनीले निस्कासन गरेको छ ।

वीर अस्पतालबाट यसरी निस्कासन भएका श्रमिकहरूमा बसुन्धरा रम्तेल, संगीता श्रेष्ठ , जुनकेरी श्रेष्ठ ,दिलबहादुर परियार, इन्द्र राना, मुना बजगाई, सन्ता नेपाली, चौबहादुर गुरुङ र हिरा नेपाली छन् ।

 विगत लामो समयदेखि वीर अस्पतालको  सरसफाइ देखि बिरामीको सेवामा कार्यरत उनीहरूलाई रोजगारदाता कम्पनी फेरिएसँगै सेवाबाट हटाइएको हो । अस्पतालको ईण्डोस्कोपि वार्डमा लामो समयदेखि काम गर्दै आएकी एक महिलालाई पचास वर्ष उमेर पुगेको भन्दै कामबाट निकालिएपछि सहयोगको याचना गर्दै राजधानी प्रेससँग आइपुगेका छन् ।

जब चाडपर्व आउँछ मानिसका आवश्यकताहरू बढेका हुन्छन् ,तर दशैको संघार पारेर कामबाट निकालिनु पर्दा कसको चित्त दुख्दैन होला र रु चाडपर्व नै नभए पनि गरिरहेको काम छुटेपछि पीडा त हुने नै भयो । यस्तै भएको छ  वीर अस्पतालको विभिन्न सेक्टरमा काम गर्ने १० जना श्रमिकहरुलाई ।

विगत २ देखि  १५ वर्ष सम्म निरन्तर रुपमा ज्यालादारीमा काम गर्दै आएका उनीहरूलाई मुख्य रोजगारदाताकै निर्देशनमा सेवाबाट बञ्चित गरिएको मजदुर संगठनका नेताहरूको आरोप छ । उनीहरूलाई नयाँ रोजगारदाता कम्पनी इनफोटेचले  कामबाट निकालेको हो । पचास बर्ष उमेर पुगेका कामदारलाई काममा नराख्न अस्पताल प्रशासनले भनेकोले उमेर हद देखाएर कामबाट हटाइएको पीडितहरूले बताएका छन् ।

उमेरकै कारणले कामबाट निष्कासन गर्नुको कारण बुझ्दा पीडितहरू भन्छन् , रोजगारदाता कम्पनी र अस्पताल प्रशासन बीच पचास वर्ष भन्दा माथि उमेरका कामदार नराख्ने सम्झौता भएको थियो भन्ने गरेका छन् रे । विभिन्न रोजगारदाता कम्पनी मार्फत २ देखि १५ वर्ष देखि काम गरिसकेका अनुभवि कामदारलाई प्रशासनको आदेशमा भन्दै दशैंको मुखमा कामबाट बिदा गरिँदा आफूहरू माथि अन्याय भएको अर्का पीडितको भनाइ रहेको छ। पीडितहरुका अनुसार , । इनफोटेक रोजगारदाता कम्पनीले प्रशासनसँग वार्ता गर्ने वातावरण नबनाएको र तपाईंहरुको ठाउँमा अरु नै मान्छे नियुक्ति गरिसकेको छ अब नआउनु भनेर मौखिक जानकारी गराएका थिए।

रोजगारदाता कम्पनीले बीचमा हस्तक्षेप गरेको पीडितहरुको आरोप छ। हामीलाई अस्पताल प्रशासनसँग कुरा गर्न दिएको भए हामीले गरेको योगदान र पाउने अधिकार माग गर्ने थियौं । यो कस्तो नियम हो हामीले बुझेका छैनौ । सरकारी सेवामा ५८ वर्षसम्म काम गर्न पाइन्छ भने यो त हामी प्राइभेट कम्पनी मार्फत काम गरिरहेका हौं । इनफोटेक भन्दा पहिलेको रोजगारदाता कम्पनीमा यो  नियम थिएन,यसमा किन यस्तो भयो हामी अन्योलमा छौ । पीडितहरुले दुखेसो ब्यक्त गरेका छन् ।

यस्तै श्रमिकहरुको पक्षमा वकालक गर्दै आएको नेपाल सुरक्षा ट्रेड युनियनका अध्यक्ष प्रेमबहादुर कार्की र नेपाल स्वतन्त्र  आउटसोर्स श्रमिक संगठनका अध्यक्ष तारादेवि केसीले चिकित्सा विज्ञान प्रतिष्ठान वीर अस्पताल र श्रमिक आपूर्ति कर्ता कम्पनी इन्फोटेचलाइ आफ्नो ध्यानाकर्षण भएको भन्दै मुख्य रोजगारदाता र सहायक रोजगारदाता संस्थालाई पत्राचार गरेका छन् ।

उनीहरूले टेण्डरको नाममा श्रम कानुन विपरीत हाजिर गर्न बञ्चित श्रमिकलाई कानुन बमोजिम हाजिर गराउन भन्दै उसले भनेको छ, श्रम ऐन २०७४ पालन नगरि कामदार निकाल्नु प्राकृतिक न्यायको सिद्धान्त विपरीत हो । टेण्डर अब्हान गरि नियम संगत रोजगार कम्पनिमा काम गरिरहेका श्रमिकलाई मनोमानी नीति बनाएर हटाउने कार्य सच्याएर निष्कासन गरिएका ९ जनालाई पुनर्बहाली नगरिए आन्दोलनका कार्यक्रम अगाडि बढाउनका साथै कानुनी उपचारमा जान बाध्य हुने उल्लेख गरिएको छ।

असोज १५ गतेबाट आएको नयाँ ठेकेदारले पुराना र अनुभवी श्रमिकलाई यसरी चाडपर्वको मौका छोपेर गरिएको व्यवहार निन्दनीय भएको श्रम क्षेत्रको हक अधिकारमा कृयाशिल  संस्था नेपाल सुरक्षा श्रमिक ट्रेड युनियनका महासचिव वेदप्रसाद हुमागाई बताउँछन् ।