ललितपुर, ३ पौष । फस्ट सेलेक्सन फर ओलम्पिक क्वालिफाईङ्ग बक्सिङ्ग प्रतियोगिताको दोस्रो दिनका खेलहरु सात्दोबाटो कवर्डहलमा मंगलबार सम्पन्न भएको छ ।

महिलाहरुको खेलमा ५० केजी तौल समुहमा स्वीट क्लबका रमिसा श्रेष्ठले आरएससीको आधारमा भाइब क्लबका संगिता रानालाई पराजित गरिन भने नक्सालका सुस्मा तामाङ्गले युनानिमसको आधारमा आर्मिका आरती बमजनलाई पराजित गरिन । त्यस्तै ५४ केजी मा बक्समाण्डुका अन्जनी तेलीले युनानिमसको आधारमा भाईब क्लबका रक्षा जिसिलाई पराजित गरिन भने आर्मीका वर्षा श्रेष्ठले नुवाकोटका तनुजा श्रेष्ठलाई आरएससिको आधारमा पराजित गरिन ।

पुरुष तर्फ ५१ केजीमा आर्मीका शुशिल थापाले बक्समाण्डुका लक्ष्मण राईलाई स्पिल्टिको आधारमा पराजित गरे भने नेपाल पुलिसका चन्द्र बहादुर थापाले अल्फाका विशेष बुढा मगरलाई युनानिमसले पराजित गरे । त्यस्तै ५७ केजीमा भाइबका निरञ्जन मोक्तानले युनानिमसमा भुपु बक्सिङ्ग क्लबका खेलाडी शिव सिलवाललाई पराजित गरे भने आर्मीका प्रेम चौधरीले युनानिमस डिसिनजमा डिजि बक्सिङ्गका आयुस श्रेष्ठलाई पराजित गरे ।

त्यस्तै ७१ केजीमा भुपु बक्सिङ्ग क्लबका खेलाडी निशान गुरुङ्गले स्पिलिटमा कैलालीका भरत चन्द्रलाई र आर्मीका दान बहादुर दर्लामीले युनानिमसमा एचटुओ बक्सिङ्ग क्लबका विनिस राईलाई पराजित गरेको बक्सिङ्ग महासंघका महासचिव मान बहादुर भण्डारीले बताए ।