काठमाडौं । हरेक वर्ष आयोजन हुँदै आएको केपी ओली कप यस वर्ष फागुन ११ देखि सुरु हुने भएको छ। युवा सङ्घ नेपालले आयोजना गर्ने यस फुटबल प्रतियोगिताको समापन फागुन १९ गते हुने आयोजकले जनाएको छ।
यससम्बन्धी जानकारी दिन युवा सङ्घ नेपालले बुधवार आयोजना गरेको पत्रकार सम्मेलनमा बोल्दै सङ्घका अध्यक्ष क्षितिज थेबेले यस पटक पुरस्कारको राशीमा वृद्धि गरिएको जानकारी दिए। ए डिभिजन लिगका १० टिमबिच प्रतिस्पर्धा हुने यस प्रतियोगितामा विदेशी टोली समेत सहभागी हुन सक्ने आयोजकले बताएको छ।
पत्रकार सम्मेलनमा बोल्दै अध्यक्ष थेबेले ११ को संयोगको खुलस्त पारे। उनका अनुसार एमाले अध्यक्ष केपी शर्मा ओलीको जन्म दिन फागुन ११ भएको र पुरस्कारको राशि समेत ११ हजार १ सय ११ बाट सुरु गरिएको बताए। उनका अनुसार फुटबल टिममा समेत ११ जना हुने भएकोले यस्तो सयाेंग पारिएको जानकारी दिए।
प्रतियोगितामा प्रथम हुनेलाई १५लाख ११ हजार १ सय ११ , दोस्रोलाई ५ लाख नगद,पुरस्कारको व्यवस्था गरिएको जनाकारी दिइयो। त्यसै गरी प्रतियोगितामा उत्कृष्ट खेलाडीलाई रु १ लाख , उत्कृष्ट गोल रक्षकलाई रु ५० हजार ,उत्कृष्ट गोलकर्तालाई रु ५० हजार उत्कृष्ट उदयमान खेलाडीलाई रु ५० हजार पुरस्कार प्रदान गरिने छ। त्यसै गरी म्यान आफ द म्याचलाई १५ हजार,प्रदान गरिने छ।
तपाईको बिचार