इलाम । नेकपा एमाले इलामको ११ औं जिल्ला अधिवेशनले गणेश बराललाई अध्यक्षमा निर्वाचित गरेको छ । सर्वसम्मत प्रयास असफल भएपछि निर्वाचन भएको थियो ।

मतपरिणाम अनुसार अध्यक्षमा गणेश बरालले ३८१ मत ल्याएर निर्वाचित भए भने प्रत्यासी नरेन्द्रनाथ भट्ट्टराईले १९५ मत पाए । उपाध्यक्षमा उदय राई विजयी भएका छन । राईले २५० मत ल्याएर विजयी भए भने उमेश गुरुङले १८४ र बुद्धि खनालले १३७ मत पाए ।

यस्तै सचिवमा रबिन्द्र सुवेदी बिजयी भएका छन । उनले २९२ मत पाए भने प्रत्यासी प्रकाश अधिकारीले २६८ मत पाए ।

उप सचिवमा भने रमेश राई र दिलु लावती बिजयी भएका छन् । राईले १७९ र लावती (महिला) ले ३०९ मत ल्याएर विजयी भए । उपसचिवमा छवि श्रेष्ठ १५३,याम बा राई १३४ र मानवील लुहागुन ५६ मत ल्याएर उता महिला उपसचिवमा विष्णुमाया आचार्यले २१७ मत ल्याइ पराजित भइन् ।

एमाले इलामको अधिवेशन बिहिबार शुरु भएको थियो । अध्यक्षमा निर्वाचित जिल्ला समन्वय समिती इलामका पूर्व प्रमुख हुन । सचिवमा निर्वाचित रबिन्द्र यस अघि उप सचिव थिए ।