काठमाण्डौं । पशुपतिनाथ बचाउ महाअभियानको आयोजनामा गौशाला धर्मशाला बचाउँ भन्दै हस्ताक्षर अभियान सुरु भएको छ । गौशाला धर्मशालालाई अनधिकृत रुपमा कब्जा गरिएको भन्दै त्यसका विरुद्ध हस्ताक्षर अभियान सुरु भएको हो  ।

पशुपति क्षेत्र विकास कोषको कार्यालय मूलगेट अगाडि पशुपति क्षेत्र विकास कोषको स्वामित्वमा रहेको गौशाला धर्मशालामा अनधिकृत कब्जा विरुद्ध मङ्गलबारबाट हस्ताक्षर अभियान सुरु गरिएको छ ।

अभियानको पहिलो दिन ५ हजार बढिले हस्ताक्षर गरेको बताईएको छ  । आगामी शनिबार सम्म संचालन गरिने उक्त हस्ताक्षर अभियान अन्तर्गत सङ्कलित हस्ताक्षर राष्ट्रपति रामचन्द्र पौडेललाई बुझाउने विश्व हिन्दु युवा सङ्घ अन्तर्राष्ट्रिय समितिका अध्यक्ष सागर थापाले बताए ।