काठमाडौँ। नेकपा ९एकीकृत समाजवादी० को पूर्वनिधारित केन्द्रीय कमिटीको बैठक सरेको छ।

साउन १४ गते बोलाइएको केन्द्रीय कमिटीको बैठक केही तयारी अपुगका कारण साउन १६ गतेका लागि सारिएको बताईएको छ ।

एकीकृत समाजवादीले रिक्त केन्द्रीय सदस्य थप्न  र पदाधिकारी छनौटबारे छलफल गर्न  बैठक बोलाएको हो । एकीकृत समाजवादीमा केन्द्रीय सदस्य ३ सय २९ जना हुने व्यवस्था गरिएको छ । असार दा्रेस्रो साता गरिएको १० औँ महाधिवेनले त्यस मध्ये ९३ जना केन्द्रीय सदस्य मात्रै तोकेको छ । बाँकी २ सय ६ जना केन्द्रीय सदस्य छान्न बाँकी छ ।

बैठकमा सबै प्रदेशले केन्द्रमा पठाएको सिफारिसका आधारमा नेताहरूको योगदान र क्षमताको मूल्याङ्कन गरी भूगोल, क्षेत्र तथा सन्तुलन मिलाएर मनोनयन गर्ने, कमिटीलाई पूर्णता दिएपछि पदाधिकारी चयन गर्ने लगायत विषयमा छलफल हुनेछ ।

समाजवादीको केन्द्रीय पदाधिकारी २१ सदस्य हुने व्यवस्था छ । महाधिवेशनले अध्यक्ष, सम्मानित नेता र महसचिव मात्रै तोकेको छ । अन्य पदाधिकारी टुंग्याउन बाँकी छ ।  बैठकमा त्यसबारे समेत छलफल हुने भएको छ ।