काठमाडौं,२ साउन । उपप्रधानमन्त्री एवम् शहरी विकास मन्त्री प्रकाशमान सिंहले जिन्दगीको लक्ष्य पूरा गर्न मेहनत गर्नैपर्ने बताउनुभएको छ । गुह्येश्वरी बाल शिक्षा मावि, थापाथलीको वार्षिकोत्सवका अवसरमा आयोजित पुरस्कार एवम् सम्मान कार्यक्रममा सम्बोधन गर्दै उहाँले विद्याथीहरुलाई मेहनती बन्न सुझाव दिनुभएको हो । मेहनत र परिश्रम विना मानिसले सफलता प्राप्त गर्न नसक्ने भन्दै उहाँले विद्यार्थीहरुलाई अध्ययनमा ध्यान दिन पनि आग्रह गर्नुभयो ।

‘तपाईहरु जस्तो पारिवारिक पृष्ठभूमिबाट आउनुभएको भएपनि भविष्य तपाईंहरुको हातमा छ । अध्ययनको अवसर सदुपयोग गर्नुस् । विना मेहनत कोही पनि सफल हुँदैन । मेहनत परिश्रम गर्नुस् । भविष्य उज्वल छ,’ उहाँले भन्नुभयो । उपप्रधानमन्त्री सिंहले शैक्षिक अवस्था राम्रो बनाउन विद्यँर्थी, अभिभावक र विद्यालय परिवार सबैको साझा प्रयत्न आवश्यक रहेकोमा जोड दिनुभयो ।

कार्यक्रममा उपप्रधानमन्त्री सिंहले विद्यालयका उत्कृष्ट शिक्षक एवम् विद्यार्थीहरुलाई सम्मान एवम् पुरस्कार वितरण गर्दै आगामी दिनमा अझै राम्रो गर्न शुभकामना दिनुभयो ।

कार्यक्रममा बागमती प्रदेशसभा सदस्य दीपेन्द्र श्रेष्ठ, शान्ता ढकाल पनि सहभागि हुनुहुन्थ्यो ।