काठमाडौ । सत्तारुढ दल नेपाली कांग्रेसका सभापति शेरबहादुर देउवा र राष्ट्रिय प्रजातन्त्र पार्टी(राप्रपा)का अध्यक्ष राजेन्द्र लिङ्देनबीच भेटवार्ता भएको छ । आज दिउँसो बूढानीलकण्ठमा पूर्वप्रधानमन्त्रीसमेत रहेका सभापति देउवासँग लिङ्देनले भेट गरेका हुन् ।

राप्रपाका प्रवक्ता मोहन श्रेष्ठले दुई नेताबीच बूढानीलकण्ठमा भेटवार्ता भएको पुष्टि गर्दै समसामयिक राजनीतिका बारेमा छलफल भएको जानकारी दिए ।
दुई दलका नेताहरुले भेटवार्ता गरेपछि त्यसले राजनीतिक आकाशमा नयाँ तरंग समेत उत्पन्न गराएको छ । सत्तागठबन्धनमा पार्टीका प्रमुख नेताले विपक्षी दलका नेतालाई भेट गरेपछि यसले नयाँ तरंग उत्पन्न गराएको हो ।