काठमाडौ । आज बिहान गएको भूकम्पका कारण नेपालमा पनि केही व्यक्ति घाइते भएका छन् । चीनको स्वशासित क्षेत्र तिब्बतमा आज बिहान गएको ७ रेक्टर स्केलको भूकम्पका कारण नेपालमा हालसम्म १३ जनाको घाइते भएका हुन् ।
नेपाल प्रहरीका प्रवक्ता, प्रहरी वरिष्ठ उपरीक्षक विश्व अधिकारीले अहिलेसम्म १३ जना घाइते भएका र २ घर पूर्ण, १ आंशिक र ११ घरमा सामान्य क्षति भएको थाहाखबरलाई जानकारी दिए। प्रहरीले भुकम्पका कारण काठमाडौँमा १, बारामा ११ र काभ्रेमा १ जना घाइते भएका जानकारी दिए।
उनका अनुसार विवरण आउने क्रम जारी नै छ। ओखल्ढुङ्गामा १ घर पूर्ण र २ घरमा सामान्य तथा संखुवासभामा १ घरमा सामान्य क्षति भएको छ।
यस्तै सोलुखुम्बुमा १ पूर्ण र एक आंशिक तथा ३ घरमा सामान्य क्षति भएको छ। ताप्लेजुङमा ३, सिन्धुपाल्चोक र रामेछापमा १/१ घरमा सामान्य क्षति भएको प्रहरीले जानकारी दिएको छ।
तपाईको बिचार