काठमाडौँ । सहकारी ठगी प्रकरणमा पूर्वडीआईजी छविलाल जोशीको काठमाडौँमा बयान सुरु भएको छ । जिल्ला सरकारी वकिल कार्यालय काठमाडौँमा जोशीको बयान सुरु भएको हो ।

स्वर्णलक्ष्मी बहुउद्देश्यीय सहकारीको रकम अपचलनमा संलग्नताबारे अनुसन्धानका लागि उनको बयान सुरु भएको जिल्ला सरकारी वकिल कार्यालय काठमाडौँले जनाएको छ । पोखरा रहेका उनलाई स्वर्ण लक्ष्मीको अनुसन्धानका लागि मंगलबार काठमाडौँ ल्याइएको थियो ।

जोशी सूर्यदर्शन सहकारीको रकम घोटालामा संलग्न आरोपमा पक्राउ परेका थिए ।स्वर्णलक्ष्मीको रकम घोटालामा संलग्न आरोपमा पूर्वगृहमन्त्री रवि लामिछाने र छविसहित २१ जनाविरुद्ध पक्राउ पुर्जी जारी भएको छ । सोहीअनुसार उनलाई काठमाडौँ ल्याईएको हो ।