धादिङ । धादिङको बेनीघाट रोराङ गाउँपालिका १० स्थित खयरघारीबाट एउटा ट्रक त्रिशूली नदीमा खसेको छ । पृथ्वीराजमार्ग अन्तर्गत रोराङ १० मा भएको दुर्घटनास्थलबाट तीनजना घाइतेको उद्धार गरिएको प्रहरीले जनाएको छ ।

दुर्घटनास्थलबाट ट्रक चालक नवलपरासी पश्चिमका २७ वर्षीय आशिष महतो, सहचालक २६ वर्षीय राजु थापामगर र ट्रक धनी खैरहनी नगरपालिकाका ४६ वर्षीय सुरेश गुरुङलाई उद्धार गरेको जिल्ला प्रहरी कार्यालय धादिङका प्रहरी निरीक्षक प्रह्लाद सिलवालले जानकारी दिए ।

नवलपरासीबाट काठमाडौंतर्फ आउँदै गरेको लु २ ख २५० नम्बरको जाँदै गरेको ट्रक आज बिहान पौने छ बजेतिर त्रिशूली नदीमा खसेको थियो ।