दाङ । अनेमसंघ (समाजवादी), लुम्बिनी कमिटीको प्रथम बैठक सम्पन्न भएको छ। आइतबार प्रदेश राजधानी भालुवाङमा कमिटी अध्यक्ष तथा केन्द्रीय सदस्य लक्ष्मी भुसालको अध्यक्षता एवं पार्टीका उपमहासचिव मेटमणी चौधरीको प्रमुख आतिथ्यतामा बैठक सम्पन्न भएको हो।

उपमहासचिव चौधरीले पार्टीको १०औँ राष्ट्रिय महाधिवेशन, राष्ट्रिय राजनीति र समसामयिक विषयमाथी प्रकाश पारेका थिए । नेपाली कम्युनिस्ट आन्दोलनको मुल प्रवाहका रूपमा रहेको एकीकृत समाजवादी पार्टी वृहत् बन्छ भन्ने दृढ विश्वासका साथ संगठन निर्माणमा जुट्न नेता कार्यकर्तालाई उपमहासचिव चौधरीले अनुरोध समेत गरे ।

त्यस्तै बैठकमा पार्टी केन्द्रीय सचीव तथा पार्टीको लुम्बिनी प्रदेश कमिटी अध्यक्ष सोम प्रसाद पाण्डेले राज्यका हरेक तहमा ५० प्रतिशत महिला सहभागिता अनिवार्य गर्नुपर्ने धारणा राखेका थिए ।

बैठकमा पार्टीका पोलिटब्यूरो सदस्य अब्दुल खान, केन्द्रीय सदस्य राजेन्द्र लक्ष्मी गैरे, मिना परियार, अहमद अब्दुल रउफ, नारायणी वलीका साथै महिला संघका नेता कार्यकर्ताहरूको उपस्थिति रहेको थियो।