काठमाडौं । नेपाली सेनाले अधिकृत क्याडेट पदमा दरखास्त आह्वान गरेको छ । नेपाली सेना छनोट निर्देशनालय जङ्गी अड्डाले २८० जना अधिकृत क्याडेटका लागि दरखास्त आह्वान गरेको हो ।

जस अन्तर्गत खुलातर्फ १४७ जना, शारीरिक रुपमा अशक्त भएका र कर्तव्य पालनाको सिलसिलामा मृत्यु भएका नेपाली सैनिकका सन्ततीका लागि १४ जना, महिला २४ जना, आदिवासी जनजाती ३८ जना, मधेसी ३३ जना, दलित १८ जना र पिछडिएको क्षेत्रबाट ६ जना गरी २८० जनाका लागि दरखास्त आह्वान गरेको हो ।

सेनाले भदौ ७ गतेदेखि असोज ५ गतेसम्म एक हजार रुपैयाँ दस्तुर बुझाएर दरखास्त दिन सकिने र दोब्बर दस्तुर तिरेर असोज १२ गतेसम्म दरखास्त बुझाउन सकिने नेपाली सेनाले जनाएको छ ।