काठमाडौं । नेपाल कम्युनिष्ट पार्टी (नेकपा ) पार्टी एकता राष्ट्रिय अभियानका संयोजक बामदेव गौतम नेकपा (एकीकृत समाजवादी) मा समाहित हुने बताएका छन् । उनले अब आफ्नो राजनीति सक्रियता नेकपा एकीकृत समाजवादी पार्टीबाट हुने बताएका छन्।

उनले एक अन्तर्वार्ताको क्रममा यस्तो बताएका हुन् । एकीकृत समाजवादीका साथीहरुसंग कुराकानी समेत भइराखेको छ , मलाई त्यहाँ काम गर्न पनि सहज हुन्छ उनले भने ।

अहिले त्यहाँ बनेको केन्द्रीय सदस्यहरुमा मैले नै प्रशिक्षण गरेका साथीहरु ७०-७५ जना हुनुहुन्छ । एमालेमा जनाको लागि धेरै कुराकानी भयो तर केहि व्यक्तिको स्वार्थको कारणले त्यहाँ सम्भव भएन , म राजनीति नै गर्ने मानिस भएकाले गर्दा मलाई अन्य पार्टी भन्दा नेकपा एकीकृत समाजवादी पार्टी नै सहज हुन्छ उनले भने । उनले कहिले प्रवेश गर्ने भन्ने मिति भने खुलाएका छैनन् ।

केही समय अघि एउटा कार्यक्रममै संयोजक गौतमले आफू नेकपा एकीकृत समाजवादीमा समाहित भएर आफ्नो राजनीति सक्रियता अघि बढाउने संकेत गरीसकेका थिए ।