दाङ, १५ पौष । दाङमा आज बिहान बस दुर्घटना भएको छ ।
बर्दियाबाट दाङको चखौरा भ्रमणमा जान थालेको भे १ ख २०४१ नम्बरको बस तुलसीपुर उपमहानगरपालिका–१३ भञ्ज्याङ नजिक ब्रेक फेल भएर दुर्घटना हुँदा २० जना भन्दा बढी यात्रु घाइते भएका छन् ।
बर्दियाको बढौयाताल गाउँपालिका–६ को कृषक समूहका सदस्य दाङ भ्रमणमा आउन थालेका थिए । बसमा ४०–४५ जना सवार रहेका थिए । इलाका प्रहरी कार्यालय तुलसीपुरका डिएसपी ठाकुरप्रसाद पोख्रेलले घाइतेहरू खतरामुक्त रहेको र उनीहरूको राप्ती प्रादेशिक अस्पताल तुलसीपुरमा उपचार भइरहेको छ । केही घाइतेहरूलाई उपचारको लागि बाँके जिल्लामा लगिएको छ ।
तपाईको बिचार