मोरङ, १३ पौष । मोरङको रंगेली नगरपालिकामामा शुक्रबार ट्याक्टरको ठक्करबाट पैदलयात्रीको मृत्यु भएको छ ।
प्रहरीका अनुसार रंगेली–८ वडा कार्यालयअगाडि पूर्वबाट पश्चिमतर्फ जाँदै गरेको आफन्त इट्टा उद्योग को ना ६ त ५४९ नम्बरको ट्याक्टरले पैदलयात्रीलाई ठक्कर दिएको थियो ।
दुर्घटनामा झमनपुर बस्ने ६८ वर्षीय नारायण राजवंशीको घटनास्थलमै मृत्यु भएको हो । ट्याक्टर चालक धनपालथान–४ बस्ने २५ वर्षीय अजय चौधरी र सह–चालक रंगेली–२ बस्ने ३६ वर्षीय मोहमद अमिरलाई इलाका प्रहरी कार्यालय रंगेलीले नियन्त्रणमा लिएको छ ।
उकता घटनाबारे थप अनुसन्धान भइरहेको प्रहरीले जनाएको छ ।
तपाईको बिचार