काठमाडौँ, ९ असोज । काठमाडौँ उपत्यकामा मंगलबारदेखि इन्द्रजात्रा पर्व विधिवत् रूपमा सुरु भएको छ ।

वसन्तपुरस्थित हनुमानढोकामा यःसीं अर्थात् इन्द्रध्वज (लिंगो) ठड्याएर जात्रा सुरु गरिएको हो । बिहान १०ः३७ बजेको शुभसाइतमा हनुमानढोका दरबार क्षेत्रमा इन्द्रध्वजोत्थान गरिएको थियो । प्रत्येक वर्ष भाद्र शुक्ल द्वादशीका दिन हनुमानढोका परिसरमा इन्द्र देवताको पूजाआजा गरी इन्द्रध्वजसहितको लिंगो ठड्याएसँगै जात्रा सुरु हुने गर्छ ।

यसको मुख्य दिन असोज ११ गते हनुमानढोका दरबार क्षेत्रमा राष्ट्रपति रामचन्द्र पौडेललगायत विशिष्ट व्यक्तिले इन्द्रजात्राको अवलोकन गर्ने कार्यक्रम रहेको जनाइएको छ ।