झापा, ७ भदौ । झापाकाे अर्जुनधारामा करेन्ट लागेर एक जनाकाे ज्यान गएकाे छ बहना एक जना घाइते भएका छन् ।

जिल्ला प्रहरी कार्यालय झापाका अनुसार करेन्ट लागेर अर्जुनधारा नगरपालिका–९ का २४ वर्षीय अमृत रेग्मीकाे मृत्यु भएकाे हाे  । उनकी श्रीमती २२ वर्षीया ममता रेग्मी घाइते भएकी छन् । ममतालाई करेन्ट लागेपछि बचाउने क्रममा अमृतकाे ज्यान गएकाे  प्रहरीले जनाएको छ ।

करेन्ट लागेर घाइते भएका दुवैलाई उपचारका लागि शनिश्चरेमा रहेकाे शङ्कर अस्पताल लैजाँदै गर्दा अमृतको बाटैमा ज्यान गएकाे हाे । ममताको अवस्था सामान्य रहेको र अहिले बिर्तामोडमा रहेकाे बीएण्डसी अस्पतालमा उपचार भइरहेको छ ।