विराटनगर, १ भदौ । कोसी प्रदेशका मुख्यमन्त्री उद्धव थापाले आइतबार (३ गते)विश्वासको मत लिने भएका छन् । विश्वास मत लिनेसम्बन्धी आज प्रदेश सभा नयाँ सूचना दर्ता गराएका छन् ।‌

गठबन्धन दलका तर्फबाट थापा दोस्रोपटक साउन १६ गते मुख्यमन्त्री नियुक्त भएका थिए । पहिलोपटक सभामुखसमेतको हस्ताक्षरमा सरकार गठन गर्दा सर्वोच्च अदालतले बदर गरिदिएको थियो ।

प्रदेश सभा सचिवालयले विश्वास मत लिने सम्बन्धमा सूचना दर्ता भएको जानकारी दिएको छ ।‌ आफूले ३ गते समय मागेको तर विश्वास मतको समय तोक्ने अधिकार सभामुख वा उपसभामुखको भए बमोजिम भदौ ४ गते सोमबारलाई तय गरिएको मुख्यमन्त्री थापाले बताए ।