रामेछाप । रामेछापको खाँडादेवी गाउँपालिका–१ राकाथुमको बेलपोखरी डाँडामा बलेरो जिप दुर्घटना हुँदा एक जनाको घटनास्थलमै मृत्यु भएको छ । उक्त दुर्घटनामा सात जना घाइते भएका छन् ।
शनिबार साँझ भएको दुर्घटनामा मृत्यु हुनेमा खाँडादेवी–७ का ३३ वर्षीय कर्मसिंह तामाङ रहेका प्रहरी नायब उपरीक्षक होमबहादुर पराजुलीले जानकारी दिए । उनका अनुसार बा१६च ३८२५ नम्बरको जिप सडकबाट करिब चार सय मिटर तल खसेको थियो ।
घाइतेमध्ये दुई जनाको अवस्था चिन्ताजनक छ । जिप सुनापति गाउँपालिकाको दिमीपोखरीबाट काठमाडौं जाँदै गरेको थियो । घाइतेलाई उपचारका लागि धुलिखेल अस्पताल पठाइएको छ ।
तपाईको बिचार