काठमाण्डौं । त्रिवि प्राध्यापक संघ, विश्वविद्यालय क्याम्पस इकाईले त्रिविका रजिस्ट्रार प्रा. डा. केदार रिजाललाई भेंट गरी त्रिवि स्वास्थ्य उपचार कोष र सेवा आयोग लगायतका विषयमा ध्यानाकर्षण गराएको छ ।

क्याम्पस इकाईले त्रिविका रजिस्ट्रारलाई भेट गरी ज्ञापन पत्र बुझाएको थियो । यसअघि उपत्यकाका क्याम्पसका इकाईका सभापति र प्रतिनिधिहरूसँगको बैठकले दिएको सुझाव अनुरूप यो ध्यानाकर्षण गराउने कार्य गरेको बताईएको छ ।

कार्यक्रममा सभापति डा. मनोज कु चौधरी, उप सभापति डा. भगवान अर्याल, सह सचिव डा नूरापति ,सदस्य डा. अवतार सुवेदी लगायतको प्रतिनिधि मण्डलले त्रिविका रजिस्ट्रारलाई भेट गरेको थियो।