काठमाडौं । जनता समाजवादी पार्टी (जसपा) नेपाल को पहिलो बैठकले पदाधिकारीहरुको टुँगो लगााएको छ । बैठकले पदाधिकारीसहित ३१ सदस्यीय कार्यकारिणी समिति चयन गरेको छ ।

अशोक राई पक्षले पार्टी विभाजन गरेपछि भएको जसपा महाधिवेशनले चयन गर्न नसकेको पदाधिकारी पहिलो बैठकले टुंगो लगाएको छ । जसपा नेपालका अध्यक्ष उपेन्द्र यादवपछिको वरीयतामा रहनेगरी सह अध्यक्ष रकम चेम्जोङ चयन भएका छन् ।

त्यस्तै उपाध्यक्षमा राजकिशोर यादव, मृगेन्द्रकुमार सिंह, गोविन्द चौधरी, शिवलाल थापा मगर र विद्युत बज्राचार्य चयन भएका छन् । मधेश प्रदेशका मुख्यमन्त्री लालबाबु राउत र माओवादी केन्द्र छाडेर जसपामा पुगेका रामकुमार शर्मा महासचिव चयन भएका छन् ।